Madridning "Real" klubi vingeri Braim Dias jamoada qolishga qaror qildi. 25 yoshli futbolchi "qaymoqranglilar" bilan mehnat shartnomasini 2030 yilning yarmigacha uzaytiradi. Jurnalist Migel Anxel Diasning ma’lum qilishicha, marokashlik futbolchiga Angliya Premyer-ligasi vakillari qiziqish bildirgan, biroq u baribir kelajagini "Real" bilan bog‘lashga qaror qilgan.
Braim Dias joriy mavsum Madrid grandining 52 ta uchrashuvida maydonga tushib, 6 ta gol va 7 ta assistni o‘z hisobiga yozdirib qo‘ydi. Futbolchining amaldagi shartnomasi 2027 yilning yoziga qadar mo‘ljallangan bo‘lib, Transfermakrt talqiniga ko‘ra, uning transfer narxi 40 mln yevroni tashkil etadi.
