Мадриднинг "Реал" клуби вингери Браим Диас жамоада қолишга қарор қилди. 25 ёшли футболчи "қаймоқранглилар" билан меҳнат шартномасини 2030 йилнинг ярмигача узайтиради. Журналист Мигель Анхель Диаснинг маълум қилишича, марокашлик футболчига Англия Премьер-лигаси вакиллари қизиқиш билдирган, бироқ у барибир келажагини "Реал" билан боғлашга қарор қилган.
Браим Диас жорий мавсум Мадрид грандининг 52 та учрашувида майдонга тушиб, 6 та гол ва 7 та ассистни ўз ҳисобига ёздириб қўйди. Футболчининг амалдаги шартномаси 2027 йилнинг ёзига қадар мўлжалланган бўлиб, Transfermakrt талқинига кўра, унинг трансфер нархи 40 млн еврони ташкил этади.
