"Lion" futbolchisi Malik Fofana "Liverpul"ning transfer maqsadlaridan biriga aylandi.

Ingliz grandi vakillari allaqachon 20 yoshli futbolchining agentlari bilan aloqa o‘rnatgan, deb yozadi jurnalist Loik Tanzi, muzokaralar jadal davom etmoqda. "Liverpul" o‘z futbolchilaridan birini sotishi bilanoq, yosh belgiyalikka rasmiy taklif bilan chiqishi mumkin.

Mashhur Transfermarkt portali mutaxassislari Malik Fofananing narxini 30 mln yevroga baholamoqda. O‘tgan mavsumda ko‘proq chap qanotda o‘ynaydigan vinger "Lion" safida barcha musobaqalarda 41 ta uchrashuvda 11 ta gol va oltita assist qayd etdi.