"Лион" футболчиси Малик Фофана "Ливерпуль"нинг трансфер мақсадларидан бирига айланди.
Инглиз гранди вакиллари аллақачон 20 ёшли футболчининг агентлари билан алоқа ўрнатган, деб ёзади журналист Лоик Танзи, музокаралар жадал давом этмоқда. "Ливерпуль" ўз футболчиларидан бирини сотиши биланоқ, ёш бельгияликка расмий таклиф билан чиқиши мумкин.
Машҳур Transfermarkt портали мутахассислари Малик Фофананинг нархини 30 млн еврога баҳоламоқда. Ўтган мавсумда кўпроқ чап қанотда ўйнайдиган вингер "Лион" сафида барча мусобақаларда 41 та учрашувда 11 та гол ва олтита ассист қайд этди.
