Florian Virs tez orada "Liverpul"ga sotilganidan so‘ng, "Bayer" rahbariyati uning o‘rnini to‘ldirish uchun bozorni faol o‘rganmoqda.
Voetball International nashrining xabar berishicha, nomzodlardan biri "Feyenoord" hujumkor yarim himoyachisi Igor Payshao bo‘ldi. Manbaga ko‘ra, nemis klubi braziliyalik futbolchini Florian Virsga o‘rinbosar sifatida ko‘rmoqda. Hozircha "Bayer"dan rasmiy taklif bo‘lgani yo‘q, ammo "Feyenoord" klubi leverkuzenliklarning qiziqishidan xabardor. Niderlandiya klubi 24 yoshli futbolchining transferidan rekord summa ishlab olmoqchi.
O‘tgan mavsumda Payshao barcha musobaqalarda 47 ta o‘yinda maydonga tushib, 18 ta gol urgan va 19 ta golli uzatmani amalga oshirgan. Uning klub bilan shartnomasi 2029 yilning 30 iyuniga qadar amal qiladi.
