Флориан Вирц тез орада "Ливерпуль"га сотилганидан сўнг, "Байер" раҳбарияти унинг ўрнини тўлдириш учун бозорни фаол ўрганмоқда.
Voetball International нашрининг хабар беришича, номзодлардан бири "Фейеноорд" ҳужумкор ярим ҳимоячиси Игор Пайшао бўлди. Манбага кўра, немис клуби бразилиялик футболчини Флориан Вирцга ўринбосар сифатида кўрмоқда. Ҳозирча "Байер"дан расмий таклиф бўлгани йўқ, аммо "Фейеноорд" клуби леверкузенликларнинг қизиқишидан хабардор. Нидерландия клуби 24 ёшли футболчининг трансферидан рекорд сумма ишлаб олмоқчи.
Ўтган мавсумда Пайшао барча мусобақаларда 47 та ўйинда майдонга тушиб, 18 та гол урган ва 19 та голли узатмани амалга оширган. Унинг клуб билан шартномаси 2029 йилнинг 30 июнига қадар амал қилади.
