Madridning “Real” klubi chorshanba oqshomida klublar o‘rtasidagi jahon chempionatidagi o‘z yurishlarini boshlaydi.
Guruh bosqichining birinchi turida Xabi shogirdlari “Al-Hilol”ga qarshi bahs olib boradi. Mashhur rossiyalik sobiq futbolchi Aleksandr Mostovoy ushbu o‘yin uchun o‘z taxminini aytdi.
Mostovoyning fikricha, Saudiya Arabistoni vakillari darvozasiga javobsiz ikkita gol urishi kutilayotgan Madridning “Real” klubi ushbu o‘yinda zafar quchadi.
"Uchrashuv qiziqarli bo‘lishi shubhasiz, top-murabbiylar, kuchli futbolchilar yig‘ilgan. Lekin "Real Madrid"ning umumiy saviyasi, albatta, "Al-Hilol"nikidan yuqoriroq.
Demak, men uchun bu yerda favorit aniq. Madridliklar 2:0 hisobida g‘alaba qozonadi", - deya Mostovoyning so‘zlarini keltirmoqda Vse Pro Sport.













