Londonning "Arsenal" klubi bosh murabbiyi Mikel Artetaning yordamchisi Karlos Kuesta tez orada mustaqil faoliyatini boshlashi mumkin. Italiyaning "Parma" klubi 29 yoshli mutaxassisga ko‘z tikkan.
Insayder Fabrisio Romanoning so‘zlariga ko‘ra, muzokaralar yakuniy bosqichda. Katta ehtimol bilan, murabbiylik me’yorlari bo‘yicha juda yosh bo‘lgan ispaniyalik yaqin orada jamoani boshqaradi.
Eslatib o‘tamiz, "Parma" o‘z safiga Milanning "Inter" klubi tomonidan jalb qilingan Kristian Kivu bilan xayrlashganidan so‘ng bosh murabbiysiz qolgandi. Kuesta 2020 yildan buyon Arteta shtabida ishlaydi. Bungacha murabbiy “Yuventus” va “Atletiko Madrid” yoshlar jamoalarini boshqargan.
