"Manchester Siti" bosh murabbiyi Xosep Gvardiola jamoa sardorini tanlash borasida fikr bildirdi.
Kevin de Bryuyne "shaharliklar" safini tark etmoqda - u erkin agent sifatida "Napoli"ga o‘tadi. Belgiyalikdan keyin sardorlik bog‘ichi kimga o‘tishini Gvardiolaning o‘zi hal qiladi.
"Bu mavsumda faoliyatimda birinchi marta kim menga sardor bo‘lishini o‘zim hal qilaman. O‘tgan mavsumda sodir bo‘lgan voqealar menga yoqmadi va endi jamoa manfaatlarini kim himoya qilishini o‘zim hal qilaman. Klublar o‘rtasidagi jahon chempionati starti oldidan to‘rtta sardorni tanlab bo‘ldim, keyin esa yana bir-ikkitasini aniqlashimiz mumkin," - dedi ispaniyalik boshqaruvchi matbuot anjumanida.













