"Манчестер Сити" бош мураббийи Хосеп Гвардиола жамоа сардорини танлаш борасида фикр билдирди.
Кевин де Брюйне "шаҳарликлар" сафини тарк этмоқда - у эркин агент сифатида "Наполи"га ўтади. Бельгияликдан кейин сардорлик боғичи кимга ўтишини Гвардиоланинг ўзи ҳал қилади.
"Бу мавсумда фаолиятимда биринчи марта ким менга сардор бўлишини ўзим ҳал қиламан. Ўтган мавсумда содир бўлган воқеалар менга ёқмади ва энди жамоа манфаатларини ким ҳимоя қилишини ўзим ҳал қиламан. Клублар ўртасидаги жаҳон чемпионати старти олдидан тўртта сардорни танлаб бўлдим, кейин эса яна бир-иккитасини аниқлашимиз мумкин," - деди испаниялик бошқарувчи матбуот анжуманида.
