"Manchester Siti" vingeri Savio klublar o‘rtasidagi jahon chempionati guruh bosqichi 1-turi doirasida chorshanba kuni Marokashning "Vidad" klubiga qarshi bo‘lib o‘tadigan uchrashuv oldidan jurnalistlar bilan suhbatlashdi.
"Shaharliklar" 2024/25 yilgi mavsumni muvaffaqiyatsiz o‘tkazib, birorta ham sovrin qo‘lga kirita olmadi. Endi Xosep Gvardiola jamoasida klublar o‘rtasidagi mundialda o‘zini oqlash imkoniyati bor.
"Bu yangi mavsumning boshlanishi kabi. O‘ylaymanki, klublar o‘rtasidagi jahon chempionatiga jamoamizdagi barcha ko‘tarinki ruhda yondashmoqda. Biz maksimal darajada harakat qildik, yaxshi tayyorgarlik ko‘rdik. O‘tgan mavsum allaqachon tugagan, hech narsani o‘zgartirib bo‘lmaydi, hozirgi kunga e’tibor qaratish kerak. Bizning vazifamiz - muvaffaqiyatsizliklardan saboq olish, ularni unutish va oldinga yurish. Vidad bilan o‘yinda hammasi qaytadan boshlanadi," - deya Savinyoning so‘zlarini keltiradi City Xtra.
