"Манчестер Сити" вингери Савио клублар ўртасидаги жаҳон чемпионати гуруҳ босқичи 1-тури доирасида чоршанба куни Марокашнинг "Видад" клубига қарши бўлиб ўтадиган учрашув олдидан журналистлар билан суҳбатлашди.
"Шаҳарликлар" 2024/25 йилги мавсумни муваффақиятсиз ўтказиб, бирорта ҳам соврин қўлга кирита олмади. Энди Хосеп Гвардиола жамоасида клублар ўртасидаги мундиалда ўзини оқлаш имконияти бор.
"Бу янги мавсумнинг бошланиши каби. Ўйлайманки, клублар ўртасидаги жаҳон чемпионатига жамоамиздаги барча кўтаринки руҳда ёндашмоқда. Биз максимал даражада ҳаракат қилдик, яхши тайёргарлик кўрдик. Ўтган мавсум аллақачон тугаган, ҳеч нарсани ўзгартириб бўлмайди, ҳозирги кунга эътибор қаратиш керак. Бизнинг вазифамиз - муваффақиятсизликлардан сабоқ олиш, уларни унутиш ва олдинга юриш. Видад билан ўйинда ҳаммаси қайтадан бошланади," - дея Савиньонинг сўзларини келтиради City Xtra.
