"Milan" "Yuventus" hujumchisi Dushan Vlaxovich va "Liverpul" hujumchisi Darvin Nunyesni o‘z safiga qo‘shib olmoqchi.
Ikkala futbolchi ham turli sabablarga ko‘ra joriy yozda sotib yuborilishi mumkin. Jurnalist Matteo Morettoning ma’lumotiga ko‘ra, "Milan" Vlaxovich nomzodini ma’qul ko‘rmoqda, chunki Nunyes qimmatroqqa tushadi.
Dushan Vlaxovichning "Yuventus" bilan shartnomasi bir yildan so‘ng yakuniga yetadi va uning narxi pasaytirilgan. Darvin Nunyesga kelsak, "Liverpul" uning uchun kamida 50 mln yevro talab qilishi mumkin.
