Shvesiyalik hujumchi Viktor Dyokereshning “Sporting”dagi kelajagi noaniqligicha qolmoqda.

Record xabariga ko‘ra, futbolchi, uning agenti va klub rahbariyati o‘rtasidagi muzokaralar boshi berk ko‘chaga kirib qolgan.

Agentlar vaziyatni hal qilishga urindi, ammo murosaga erishilmadi. Kelishmovchilikka so‘ralgan transfer summasini qayta ko‘rib chiqish sabab bo‘ldi: “Sporting” prezidenti Frederiko Varandas “Manchester Yunayted”, “Arsenal” va “Yuventus” qiziqishlari tufayli narxni 70 dan 80 million yevroga oshirdi.

Aynan shu qaror futbolchi va klub rahbariyati o‘rtasidagi munosabatlarda keskinlikni keltirib chiqardi. Shu bilan birga, manbaga ko‘ra, "Yuventus" ko‘rsatilgan 80 million yevroni to‘lashga tayyor, ammo Portugaliya tomonidagi ichki kelishmovchiliklar transferni buzishi mumkin.