"Barselona" sport direktori Deku Ibisaga yo‘l oldi. Goal portali o‘z sahifalarida Ispaniyadagi manbalariga tayanib xabar berishicha, futbol funksioneri "Atletik" vingeri Niko Uilyams bilan uchrashuv o‘tkazishni rejalashtirmoqda. Deku 22 yoshli futbolchini yozda "Barselona"ga o‘tkazish g‘oyasi qanchalik amalga oshishini bilmoqchi.
2024/2025 yilgi mavsumda Niko Uilyams 45 ta rasmiy o‘yin o‘tkazib, 11 ta gol va 7 ta golli uzatmani o‘z hisobiga yozdirib qo‘ydi. Avvalroq, Uilyamsning amaldagi shartnomasida uni 58 million yevroga sotib olish bandi ko‘rsatilgani haqida xabar berilgandi.
