Germaniyaning "Leypsig" klubi hujumchisi Benjamin Sheshkoning agenti mijozi va "Arsenal" o‘rtasidagi kelishuv haqidagi mish-mishlarni rad etdi.
Bir kun avval nemis matbuoti Sheshko "Arsenal"ga o‘tishga rozi bo‘lgani haqida xabar tarqatgandi, ammo "kanonirlar" Benjamin uchun ortiqcha to‘lashdan bosh tortdi.
Biroq agent Elvis Basanovich hech qanday kelishuv yo‘qligini ta’kidlamoqda. Qolaversa, 22 yoshli sloveniyalik futbolchi o‘z klubiga bosim o‘tkazmaydi va narxni pasaytirishni talab qilmaydi.
"Bu haqiqatdan yiroq! Biz "Leypsig"ni hurmat qilamiz va men 100 foiz ishonamanki, "Leypsig" ham keyingi qadam bo‘yicha qarorimizni hurmat qiladi.
Agar futbolchining qaysidir klubga o‘tish istagi kuchli bo‘lsa yoki bo‘lmasa ham, biz hech qachon "Leypsig"ni shantaj qilmaymiz", - dedi Basanovich Givemesport nashriga.
