Германиянинг "Лейпциг" клуби ҳужумчиси Бенжамин Шешконинг агенти мижози ва "Арсенал" ўртасидаги келишув ҳақидаги миш-мишларни рад этди.
Бир кун аввал немис матбуоти Шешко "Арсенал"га ўтишга рози бўлгани ҳақида хабар тарқатганди, аммо "канонирлар" Бенжамин учун ортиқча тўлашдан бош тортди.
Бироқ агент Элвис Басанович ҳеч қандай келишув йўқлигини таъкидламоқда. Қолаверса, 22 ёшли словениялик футболчи ўз клубига босим ўтказмайди ва нархни пасайтиришни талаб қилмайди.
"Бу ҳақиқатдан йироқ! Биз "Лейпциг"ни ҳурмат қиламиз ва мен 100 фоиз ишонаманки, "Лейпциг" ҳам кейинги қадам бўйича қароримизни ҳурмат қилади.
Агар футболчининг қайсидир клубга ўтиш истаги кучли бўлса ёки бўлмаса ҳам, биз ҳеч қачон "Лейпциг"ни шантаж қилмаймиз", - деди Басанович Givemesport нашрига.
