"Liverpul" hujumchisi Muhammad Saloh Afrika Kubogi turniri sabab kelasi mavsumda klubining 7ta o‘yinini o‘tkazib yuboradi.

Kecha Premyer-liga 2025/26 yilgi mavsum taqvimini e’lon qildi, mavsum o‘rtasida - 21 dekabrdan 18 yanvargacha Marokashda Afrika kubogi bo‘lib o‘tadi.

Avvalgi Afrika Kubogida Saloh ishtirokidagi Misr terma jamoasi 1/8 finalga chiqib ketgandi, biroq Muhammadning o‘zi sonining orqa qismidan jarohat oldi va faqat 2024 yilning 13 fevralida "Liverpul" safida o‘ynashga qaytdi.

Bu safar Saloh APL doirasida "Tottenxem," "Vulverxempton," "Lids," "Fulxem," "Arsenal" va "Byornli"ga qarshi o‘yinlarni, shuningdek, Angliya kubogining 3-raund uchrashuvini o‘tkazib yuborishi mumkin, deb yozadi Daily Mail.

"Liverpul" uchun eng qulay vaziyatda ham - agar misrliklar guruhdan chiqmasa, Muhammad "qizillar"ning uchta o‘yinini o‘tkazib yuborishga majbur bo‘ladi.

Qo‘shimcha qilamiz, Misr terma jamoasi Afrika Kubogida Zimbabve, Janubiy Afrika va Angola bilan birga B guruhidan joy olgan.