Madridning "Real" klubi sobiq hujumchisi, hozirda "Ar-Rayyan" klubi sharafini himoya qilayotgan Xoselu "qaymoqranglilar" yosh hujumchisi Gonsalo Garsiya haqida fikrlarini bildirdi.

"Gonsalo "Kastilya"da ajoyib mavsum o‘tkazdi. U ko‘p gol urishga qodir yigit. Ishonchim komilki, u bu mavsumda "Real"da aynan shunday qiladi. U faol pressing qiladi, hujumda ko‘plab yakkakurashlarda g‘alaba qozonadi. O‘ylashimcha, uning profili "Madrid" uchun ayni muddao va klub undan foydalana olishi aniq", - dedi ispaniyalik futbolchi.