"Arsenal" tarkibni "Chelsi" hujumchisi Noni Madueke bilan kuchaytirish haqida o‘ylamoqda, deya xabar bermoqda Daily Telegraph.

Manbaning yozishicha, "kanonirlar" ko‘plab futbolchilarni kuzatib bormoqda, ammo hozircha "Chelsi" futbolchisiga qiziqish qanchalik katta ekanini aniqlash qiyin. "Chelsi" Maduekeni transferga qo‘ymadi, ammo baribir transfer amalga oshishi mumkin. Hozircha aniq muzokaralar bo‘lgani yo‘q.

Hujumchi o‘tgan klub mavsumida barcha musobaqalarda 41 ta o‘yinda maydonga tushib, 11 ta gol urdi va beshta golli uzatmani amalga oshirdi. Uning "Chelsi" bilan shartnomasi 2030 yilning yozigacha amal qiladi. Transfermarkt ma’lumotlariga ko‘ra, futbolchining bozor narxi 40 million yevroni tashkil etadi.