"Арсенал" таркибни "Челси" ҳужумчиси Нони Мадуэке билан кучайтириш ҳақида ўйламоқда, дея хабар бермоқда Daily Telegraph.
Манбанинг ёзишича, "канонирлар" кўплаб футболчиларни кузатиб бормоқда, аммо ҳозирча "Челси" футболчисига қизиқиш қанчалик катта эканини аниқлаш қийин. "Челси" Мадуэкени трансферга қўймади, аммо барибир трансфер амалга ошиши мумкин. Ҳозирча аниқ музокаралар бўлгани йўқ.
Ҳужумчи ўтган клуб мавсумида барча мусобақаларда 41 та ўйинда майдонга тушиб, 11 та гол урди ва бешта голли узатмани амалга оширди. Унинг "Челси" билан шартномаси 2030 йилнинг ёзигача амал қилади. Transfermarkt маълумотларига кўра, футболчининг бозор нархи 40 миллион еврони ташкил этади.
