Yarim himoyachi Tomas Parti Londonning "Arsenal" klubini tark etishga yaqin turibdi.

ESPN xabariga ko‘ra, tomonlar iyun oyi oxirida tugaydigan shartnomani uzaytirish bo‘yicha kelisha olmagan. 31 yoshli futbolchining kelajagi mavhum, ammo unga bir vaqtning o‘zida bir nechta klublar, jumladan, Turkiya Superligasi vakillari ham qiziqish bildirmoqda.

Parti "Arsenal" safida 2020 yil oktyabr oyidan buyon to‘p tepib kelmoqda. O‘tgan mavsumda u "kanonirlar" safida barcha musobaqalarda 51 ta o‘yinda maydonga tushib, 4 ta gol urdi va 3 ta golli uzatmani amalga oshirdi. Angliyaga ko‘chib o‘tishdan oldin ganalik xavbek Ispaniyaning "Atletiko," shuningdek, "Malyorka" va "Almeriya" klublarida ijara asosida o‘ynagan. U muntazam ravishda Gana terma jamoasiga chaqiriladi.