Ярим ҳимоячи Томас Парти Лондоннинг "Арсенал" клубини тарк этишга яқин турибди.
ESPN хабарига кўра, томонлар июнь ойи охирида тугайдиган шартномани узайтириш бўйича келиша олмаган. 31 ёшли футболчининг келажаги мавҳум, аммо унга бир вақтнинг ўзида бир нечта клублар, жумладан, Туркия Суперлигаси вакиллари ҳам қизиқиш билдирмоқда.
Парти "Арсенал" сафида 2020 йил октябрь ойидан буён тўп тепиб келмоқда. Ўтган мавсумда у "канонирлар" сафида барча мусобақаларда 51 та ўйинда майдонга тушиб, 4 та гол урди ва 3 та голли узатмани амалга оширди. Англияга кўчиб ўтишдан олдин ганалик хавбек Испаниянинг "Атлетико," шунингдек, "Мальорка" ва "Альмерия" клубларида ижара асосида ўйнаган. У мунтазам равишда Гана терма жамоасига чақирилади.
