"Flamengo" bosh murabbiyi Filipe Luis klublar o‘rtasidagi jahon chempionati guruh bosqichi 2-turidan o‘rin olgan "Chelsi"ga (3:1) qarshi o‘yindan olgan taassurotlari bilan o‘rtoqlashdi.
"Bizda ularga qarshi imkoniyatlar bo‘ladi, deb o‘yladim. Jamoa bilan juda faxrlanaman, chunki Ueslining xatosi tufayli Pedru Netu gol urganidan keyin biz to‘xtab qolmadik. Biz o‘z futbolimizni o‘ynashda davom etdik. Yuragim hozir shu tufayli iliqlik bilan to‘la.
Bruno Enrike - o‘ziga xos o‘yinchi, u klub tarixidagi eng sovrindor futbolchi. U maydonga bir, besh yoki 90 daqiqaga tushadimi, farqi yo‘q - u har doim oxirigacha borini beradi. U uchun juda xursandman," - deya Luisning so‘zlarini keltiradi FIFA rasmiy sayti.
