"Фламенго" бош мураббийи Филипе Луис клублар ўртасидаги жаҳон чемпионати гуруҳ босқичи 2-туридан ўрин олган "Челси"га (3:1) қарши ўйиндан олган таассуротлари билан ўртоқлашди.

"Бизда уларга қарши имкониятлар бўлади, деб ўйладим. Жамоа билан жуда фахрланаман, чунки Уэслининг хатоси туфайли Педру Нету гол урганидан кейин биз тўхтаб қолмадик. Биз ўз футболимизни ўйнашда давом этдик. Юрагим ҳозир шу туфайли илиқлик билан тўла.

Бруно Энрике - ўзига хос ўйинчи, у клуб тарихидаги энг совриндор футболчи. У майдонга бир, беш ёки 90 дақиқага тушадими, фарқи йўқ - у ҳар доим охиригача борини беради. У учун жуда хурсандман," - дея Луиснинг сўзларини келтиради ФИФА расмий сайти.