Fransishku Konseysau "Yuventus"ga doimiy asosda o‘tadi.

Record xabariga ko‘ra, Italiya klubi futbolchi uchun "Portu"ga 30 million yevro miqdorida tovon puli to‘laydi.

Ushbu sotib olish summasi 15 iyundan 15 iyulgacha amal qiladi. Qolgan vaqtda turinliklar 45 million yevro to‘lashlari kerak bo‘ladi.

Qayd etilishicha, Fransishku Konseysau "Yuventus" bilan besh yillik shartnoma imzolaydi, unga ko‘ra uning maoshi yiliga olti million yevroni tashkil qiladi.

A Seriyaning o‘tgan mavsumida vinger 26 ta o‘yinda 3 ta gol urdi va 3 ta golli uzatmani amalga oshirdi.