Bugun Klublar Jahon chempionatining ikkinchi turida Milanning "Inter" hamda Yaponiyaning "Urava" jamoalari o‘zaro bellashadi.
Uchrashuv arafasida milanliklar bosh murabbiyi Kristian Kivu jamoaning yaqinlashib kelayotgan o‘yinlardagi maqsadi haqida so‘z yuritdi:
"Biz har uch kunda o‘yin o‘tkazib, 9 oylik kurashdan so‘ng bu yerga keldik. Har bir o‘yinda raqib jamoalarga munosib qarshilik ko‘rsatish uchun doimiy ravishda kerakli kuch-quvvat izlaymiz. Hozirda olti ochko qo‘lga kiritish imkoniyati bor. Keyingi bosqichga o‘tish maqsadiga erishish uchun barcha kuchimizni safarbar etishimiz lozim", - dedi Kivu.
