Yarim himoyachi Florian Virs 125 mln yevro evaziga "Bayer"dan "Liverpul"ga o‘tdi. Bu Bundesliga tarixidagi ikkinchi eng qimmat transfer bo‘ldi, deya xabar bermoqda Transfermarkt.
Bu borada rekordchi Dortmundning "Borussiya" klubi hisoblanadi. 2017 yilning yozida "asalarilar" "Barselona"ga vinger Usmon Dembeleni 135 mln yevroga sotgandi.
Uchinchi o‘rin ham "Borussiya"ga tegishli. 2023 yilning iyulida "asalarilar" Madridning "Real" klubiga yarim himoyachi Jud Bellingemni 113 mln yevroga sotgandi.
Bundesliga tarixidagi eng qimmat transferlar top-5ligidan "Ayntraxt" hujumchisi Randal Kolo Muaning "PSJ"ga (95 mln yevro) va "Leypsig" himoyachisi Yoshko Gvardiolning "Manchester Siti"ga (90 mln) o‘tishi ham o‘rin olgan.













