Ярим ҳимоячи Флориан Вирц 125 млн евро эвазига "Байер"дан "Ливерпуль"га ўтди. Бу Бундеслига тарихидаги иккинчи энг қиммат трансфер бўлди, дея хабар бермоқда Transfermarkt.
Бу борада рекордчи Дортмунднинг "Боруссия" клуби ҳисобланади. 2017 йилнинг ёзида "асаларилар" "Барселона"га вингер Усмон Дембелени 135 млн еврога сотганди.
Учинчи ўрин ҳам "Боруссия"га тегишли. 2023 йилнинг июлида "асаларилар" Мадриднинг "Реал" клубига ярим ҳимоячи Жуд Беллингемни 113 млн еврога сотганди.
Бундеслига тарихидаги энг қиммат трансферлар топ-5лигидан "Айнтрахт" ҳужумчиси Рандал Коло Муанинг "ПСЖ"га (95 млн евро) ва "Лейпциг" ҳимоячиси Йошко Гвардиолнинг "Манчестер Сити"га (90 млн) ўтиши ҳам ўрин олган.













