"Chelsi" himoyachisi Mark Kukurelya klublar o‘rtasidagi jahon chempionatining 2-turidan o‘rin olgan "Flamengo"ga (1:3) qarshi o‘yindan so‘ng, "ko‘klar" hujumchisi Nikolas Jeksonning chetlatilishi haqida gapirdi.
24 yoshli senegallik futbolchi 64-daqiqada Liam Delap o‘rniga maydonga tushdi va 4 daqiqadan so‘ng raqibiga nisbatan qo‘pollik ishlatgani uchun to‘g‘ridan-to‘g‘ri qizil kartochka bilan jazolandi.
"Nikolas juda xafa. U to‘pni olishga harakat qildi, omadi kelmadi, raqibining oyog‘iga zarba berdi, xolos.
Nikolas yosh, ammo juda iste’dodli futbolchi. Ehtimol, u bunday narsalarda biroz yaxshilanishi kerakdir. U o‘sishi kerak. Murabbiyning so‘zlaridan so‘ng, u uzr so‘radi, u ataylab qizil olmadi.
Jekson biz uchun juda muhim o‘yinchi. Keyingi o‘yinda u bizga yetishmaydi, ammo bu futbol," - dedi Kukurelya DAZN'ga.
