"Челси" ҳимоячиси Марк Кукурелья клублар ўртасидаги жаҳон чемпионатининг 2-туридан ўрин олган "Фламенго"га (1:3) қарши ўйиндан сўнг, "кўклар" ҳужумчиси Николас Жексоннинг четлатилиши ҳақида гапирди.

24 ёшли сенегаллик футболчи 64-дақиқада Лиам Делап ўрнига майдонга тушди ва 4 дақиқадан сўнг рақибига нисбатан қўполлик ишлатгани учун тўғридан-тўғри қизил карточка билан жазоланди.

"Николас жуда хафа. У тўпни олишга ҳаракат қилди, омади келмади, рақибининг оёғига зарба берди, холос.

Николас ёш, аммо жуда истеъдодли футболчи. Эҳтимол, у бундай нарсаларда бироз яхшиланиши керакдир. У ўсиши керак. Мураббийнинг сўзларидан сўнг, у узр сўради, у атайлаб қизил олмади.

Жексон биз учун жуда муҳим ўйинчи. Кейинги ўйинда у бизга етишмайди, аммо бу футбол," - деди Кукурелья DAZN'га.