"Bavariya" futbolchisi Joau Palinya yozgi transfer oynasida klubni tark etishni rejalashtirmayapti.
Portugaliyalik Myunxendagi muvaffaqiyatsiz debyut mavsumidan so‘ng Angliyaga qaytishi haqida xabarlar chiqdi. A Bola xabariga ko‘ra, Palinya "Bavariya"da yana kamida bir mavsum qolishga qaror qilgan. 29 yoshli xavbek "Fulxem"ga qaytishni butunlay istisno qildi.
Bundesliga grandi Joauni o‘tgan yilning yozida londonliklardan 50 mln yevrodan ko‘proqqa sotib olgandi. Futbolchining shartnomasi 2028 yilning yarmigacha mo‘ljallangan.













