Madridning “Real” klubida o‘ynayotgan Vinisius Junior ijtimoiy tarmoqdagi sahifasidan ispan klubiga aloqadorligi haqidagi ma’lumotlarni olib tashladi.

Futbolchi, shuningdek, "Real Madrid" libosida tasvirlangan so‘nggi suratlarni ham o‘chirib tashladi. Braziliyalik futbolchi klublar o‘rtasidagi jahon chempionatida "Al-Hilol"ga qarshi (1:1) o‘yindan so‘ng keng tanqidlarga uchragan.

Izohlarda ko‘plab foydalanuvchilar Vinisiusni jamoadan ketishga chaqirib, uning o‘yinidan noroziligini bildirishmoqda.

Vinisius o‘tgan mavsumda "Oltin to‘p" uchun ovoz berishda ikkinchi o‘rinni egalladi, ammo uning hozirgi formasi savollar tug‘dirmoqda.