Мадриднинг “Реал” клубида ўйнаётган Винисиус Жуниор ижтимоий тармоқдаги саҳифасидан испан клубига алоқадорлиги ҳақидаги маълумотларни олиб ташлади.
Футболчи, шунингдек, "Реал Мадрид" либосида тасвирланган сўнгги суратларни ҳам ўчириб ташлади. Бразилиялик футболчи клублар ўртасидаги жаҳон чемпионатида "Ал-Ҳилол"га қарши (1:1) ўйиндан сўнг кенг танқидларга учраган.
Изоҳларда кўплаб фойдаланувчилар Винисиусни жамоадан кетишга чақириб, унинг ўйинидан норозилигини билдиришмоқда.
Винисиус ўтган мавсумда "Олтин тўп" учун овоз беришда иккинчи ўринни эгаллади, аммо унинг ҳозирги формаси саволлар туғдирмоқда.
