"Barselona" sport direktori Deku jamoa himoyachisi Ronald Arauxo bilan xayrlashishi mumkinligi haqidagi savolga javob berdi.
"Bitta markaziy himoyachi ketadi, ammo Ronaldning ketishi bizning rejalarimizga kirmaydi. O‘tgan yili u nohaq tanqidga uchradi. U dunyodagi eng yaxshi himoyachilardan biri," - deya Dekuning so‘zlarini keltiradi La Vanguardia.
Arauxo 2020 yildan beri "Barselona" sharafini himoya qilmoqda. 26 yoshli himoyachining kataloniyaliklar bilan amaldagi mehnat shartnomasi 2031 yilning yozigacha mo‘ljallangan.













