Madridning “Real” klubi yarim himoyachisi Jud Bellingem Klublar o‘rtasidagi jahon chempionati davom etayotgan AQSHdagi maydonlar holatidan xavotir bildirdi.
"Maydonlarning sifati unchalik yaxshi emas. Tizza uchun bu og‘riqli holat. To‘pni ushlab turish qiyin, u sakramaydi", - deydi Bellingem.
Yarim himoyachining fikricha, bunday sharoitlar o‘yin sifatiga ta’sir qiladi va futbolchilarning sog‘lig‘i uchun xavf tug‘dirishi mumkin. Futbolchi AQSH, Kanada va Meksikada bo‘lib o‘tadigan jahon chempionati tashkilotchilari tegishli xulosa chiqarishiga umid qilmoqda.
"Umid qilamanki, kelasi yilgi jahon chempionati oldidan kimdir bunga e’tibor qaratadi", - deya xulosa qildi angliyalik futbolchi.
