Мадриднинг “Реал” клуби ярим ҳимоячиси Жуд Беллингем Клублар ўртасидаги жаҳон чемпионати давом этаётган АҚШдаги майдонлар ҳолатидан хавотир билдирди.
"Майдонларнинг сифати унчалик яхши эмас. Тизза учун бу оғриқли ҳолат. Тўпни ушлаб туриш қийин, у сакрамайди", - дейди Беллингем.
Ярим ҳимоячининг фикрича, бундай шароитлар ўйин сифатига таъсир қилади ва футболчиларнинг соғлиғи учун хавф туғдириши мумкин. Футболчи АҚШ, Канада ва Мексикада бўлиб ўтадиган жаҳон чемпионати ташкилотчилари тегишли хулоса чиқаришига умид қилмоқда.
"Умид қиламанки, келаси йилги жаҳон чемпионати олдидан кимдир бунга эътибор қаратади", - дея хулоса қилди англиялик футболчи.
