Madridning "Real" klubi markaziy himoyachisi Raul Asensio klublar o‘rtasidagi jahon chempionatida "Pachuka"ga qarshi kechgan o‘yinda maydondan chetlatilgani haqida gapirdi.

Ispaniyalik futbolchi 7-daqiqada to‘g‘ridan-to‘g‘ri qizil kartochka oldi. "Qaymoqranglilar" o‘n kishi bo‘lib harakat qilishdi va 3:1 hisobida g‘alaba qozonishdi.

"Turnirning boshlanishi men xohlagandek bo‘lmadi, ammo hammasini to‘g‘rilay olishimga shubha qilmayman. Yanada ko‘proq ishlash va o‘sishda davom etish kerak. Xabarlaringiz uchun barchangizga rahmat," - deb yozdi Asensio o‘yindan bir kun o‘tib ijtimoiy tarmoqdagi sahifasida.