Мадриднинг "Реал" клуби марказий ҳимоячиси Рауль Асенсио клублар ўртасидаги жаҳон чемпионатида "Пачука"га қарши кечган ўйинда майдондан четлатилгани ҳақида гапирди.
Испаниялик футболчи 7-дақиқада тўғридан-тўғри қизил карточка олди. "Қаймоқранглилар" ўн киши бўлиб ҳаракат қилишди ва 3:1 ҳисобида ғалаба қозонишди.
"Турнирнинг бошланиши мен хоҳлагандек бўлмади, аммо ҳаммасини тўғрилай олишимга шубҳа қилмайман. Янада кўпроқ ишлаш ва ўсишда давом этиш керак. Хабарларингиз учун барчангизга раҳмат," - деб ёзди Асенсио ўйиндан бир кун ўтиб ижтимоий тармоқдаги саҳифасида.
