"Bavariya" chap qanot yarim himoyachi sotib olish ustida faol ishlamoqda. Bild xabariga ko‘ra, Myunxen klubi "Arsenal"dan Martinellini qiziq nomzod deb hisoblamoqda. Biroq hozircha braziliyalik uchun aniq taklif bo‘lgani yo‘q. Qayd etilishicha, 24 yoshli Martinelli Germaniya chempionlari qisqa ro‘yxatida birinchi o‘rinda emas.

Martinellining "Arsenal" bilan amaldagi shartnomasi yana ikki mavsum - 2027 yilning o‘rtalariga qadar amal qiladi. Nufuzli Transfermarkt portali ekspertlari braziliyalik futbolchini 55 million yevroga baholamoqda.

Martinelli "Arsenal" safida jami 225 ta o‘yin o‘tkazib, 51 ta gol urgan va jamoadoshlariga 29 ta golli uzatma bergan.