"Бавария" чап қанот ярим ҳимоячи сотиб олиш устида фаол ишламоқда. Bild хабарига кўра, Мюнхен клуби "Арсенал"дан Мартинеллини қизиқ номзод деб ҳисобламоқда. Бироқ ҳозирча бразилиялик учун аниқ таклиф бўлгани йўқ. Қайд этилишича, 24 ёшли Мартинелли Германия чемпионлари қисқа рўйхатида биринчи ўринда эмас.
Мартинеллининг "Арсенал" билан амалдаги шартномаси яна икки мавсум - 2027 йилнинг ўрталарига қадар амал қилади. Нуфузли Transfermarkt портали экспертлари бразилиялик футболчини 55 миллион еврога баҳоламоқда.
Мартинелли "Арсенал" сафида жами 225 та ўйин ўтказиб, 51 та гол урган ва жамоадошларига 29 та голли узатма берган.
