Nufuzli insayder Fabrisio Romanoning eksklyuziv ma’lumotlariga ko‘ra, klublar hozirda 21 yoshli Andreas Shelderupning transferi borasida muzokaralar olib borishmoqda. Norvegiyalik vunderkind Sesk Fabregas jamoasining ustuvor maqsadi hisoblanadi.

Qishda “Benfika” Yevropaning yetakchi klublarining Shelderup borasidagi bir qancha takliflarini rad etdi. Uning klub bilan shartnomasida tovon puli 100 million yevroni tashkil etadi.

2024/25 yilgi mavsumda Andreas Shelderup "Benfika" safida barcha musobaqalarda 38 ta o‘yinda maydonga tushib, 4 ta gol urdi va 8 ta golli uzatmani amalga oshirdi.