"Chelsi" hujumchisi Liam Delap jamoa safida ilk bor gol urdi.
22 yoshli futbolchi klublar o‘rtasidagi jahon chempionati guruh bosqichi 3-turida Enso Fernandesning uzatmasidan keyin "Esperans" darvozasini ishg‘ol qilib, tabloda 2:0 hisobini qayd etdi. Angliyalik futbolchi "ko‘klar" safidagi uchinchi o‘yinida debyut to‘pini kiritdi.
Liam Delap iyun oyi boshida "Ipsvich"dan "Chelsi" safiga qo‘shilgandi. Transfer qiymati 35,5 mln yevroni tashkil etgan.













