"Chelsi" hujumchisi Liam Delap jamoadagi debyut golini urganidan so‘ng o‘z taassurotlari bilan o‘rtoqlashdi.
“Ko‘klar” safiga yangi kelgan 22 yoshli futbolchi klublar o‘rtasidagi jahon chempionatining birinchi bo‘limi yakunida “Esperans Tunis” darvozasiga gol urdi.
“Ko‘klar” 3:0 hisobida g‘alaba qozonib, 1/8 finalga yo‘l oldi va u yerda Portugaliyaning “Benfika” jamoasi bilan o‘ynaydi.
"Bu ajoyib tuyg‘u. Biz bugun g‘alaba qozonishimiz kerak edi va bunday o‘yinda birinchi golni urish o‘zgacha narsa.
Eng muhimi, biz guruhdan o‘tib oldik", - dedi forvard o‘yindan keyingi intervyusida.
