"Челси" ҳужумчиси Лиам Делап жамоадаги дебют голини урганидан сўнг ўз таассуротлари билан ўртоқлашди.
“Кўклар” сафига янги келган 22 ёшли футболчи клублар ўртасидаги жаҳон чемпионатининг биринчи бўлими якунида “Эсперанс Тунис” дарвозасига гол урди.
“Кўклар” 3:0 ҳисобида ғалаба қозониб, 1/8 финалга йўл олди ва у ерда Португалиянинг “Бенфика” жамоаси билан ўйнайди.
"Бу ажойиб туйғу. Биз бугун ғалаба қозонишимиз керак эди ва бундай ўйинда биринчи голни уриш ўзгача нарса.
Энг муҳими, биз гуруҳдан ўтиб олдик", - деди форвард ўйиндан кейинги интервьюсида.
