Lissabonning "Benfika" klubi prezidenti hisoblangan Ruy Koshta himoyachi Alvaro Karrerasning Madridning "Real" klubiga o‘tishi borasida fikr bildirdi.
"Madridliklar unga taklif bilan chiqishi kerak. Hozircha hech narsa olmadik. Agar taklif bo‘lsa, uni ko‘rib chiqamiz. Hozir jamoalar klublar o‘rtasidagi jahon chempionatida o‘ynashmoqda, shuning uchun hozircha kelishuv uchun eng qulay vaqt emas," - deya portugal klubi rahbari so‘zlarini keltirmoqda Madrid Universal.
Avvalroq matbuotda "qaymoqranglilar" rahbariyati 22 yoshli himoyachining transferi uchun taxminan 45 million yevro to‘lashi haqida xabarlar tarqalgan edi.
