Лиссабоннинг "Бенфика" клуби президенти ҳисобланган Руй Кошта ҳимоячи Альваро Каррераснинг Мадриднинг "Реал" клубига ўтиши борасида фикр билдирди.
"Мадридликлар унга таклиф билан чиқиши керак. Ҳозирча ҳеч нарса олмадик. Агар таклиф бўлса, уни кўриб чиқамиз. Ҳозир жамоалар клублар ўртасидаги жаҳон чемпионатида ўйнашмоқда, шунинг учун ҳозирча келишув учун энг қулай вақт эмас," - дея португал клуби раҳбари сўзларини келтирмоқда Madrid Universal.
Аввалроқ матбуотда "қаймоқранглилар" раҳбарияти 22 ёшли ҳимоячининг трансфери учун тахминан 45 миллион евро тўлаши ҳақида хабарлар тарқалган эди.
