"Liverpul"ning yangi futbolchisi Jeremi Frimpong ingliz klubiga o‘tishi muddatidan avval ma’lum bo‘lgani haqidagi kulgili voqea bilan o‘rtoqlashdi.
Futbolchining so‘zlariga ko‘ra, taniqli insayder Fabrisio Romano transfer haqidagi xabarni o‘zi bu haqda otasiga aytishga ulgurmasdanoq e’lon qilgan.
Frimpong bolaligidan “Liverpul”ga muxlislik qilib kelgan otasini ajablantirmoqchi ekanligini tan oldi.
Biroq ijtimoiy tarmoqlarda ma’lumotlar paydo bo‘lganidan keyin futbolchi haqiqatni oshkor qilishga majbur bo‘ldi.
"Mening otam "Liverpul"ga muxlislik qiladi va butun oilamiz uni ajablantirmoqchi edi. Mish-mishlar boshlanganda, “Dada, bu rost emas”, dedim. Ammo Romano bu haqda yozganida, yashirishning iloji bo‘lmadi.
Dadam darhol tushundi va to‘g‘ridan-to‘g‘ri so‘radi. “Ha, “Liverpul”ga boraman”, dedim. U shunchaki ishonolmadi!" - dedi Frimpong.
