"Ливерпул"нинг янги футболчиси Жереми Фримпонг инглиз клубига ўтиши муддатидан аввал маълум бўлгани ҳақидаги кулгили воқеа билан ўртоқлашди.

Футболчининг сўзларига кўра, таниқли инсайдер Фабрицио Романо трансфер ҳақидаги хабарни ўзи бу ҳақда отасига айтишга улгурмасданоқ эълон қилган.

Фримпонг болалигидан “Ливерпул”га мухлислик қилиб келган отасини ажаблантирмоқчи эканлигини тан олди.

Бироқ ижтимоий тармоқларда маълумотлар пайдо бўлганидан кейин футболчи ҳақиқатни ошкор қилишга мажбур бўлди. 

"Менинг отам "Ливерпул"га мухлислик қилади ва бутун оиламиз уни ажаблантирмоқчи эди. Миш-мишлар бошланганда, “Дада, бу рост эмас”, дедим. Аммо Романо бу ҳақда ёзганида, яширишнинг иложи бўлмади.

Дадам дарҳол тушунди ва тўғридан-тўғри сўради. “Ҳа, “Ливерпул”га бораман”, дедим. У шунчаки ишонолмади!" - деди Фримпонг.