Stefano Pioli "An-Nasr" bosh murabbiyi lavozimini tark etdi. Saudiya klubi chorshanba kuni italiyalikning ketishini e’lon qildi. Jurnalist Nikolo Skiraning so‘zlariga ko‘ra, vakant lavozimga asosiy nomzodlar portugaliyalik Jorje Jezus va Serjiu Konseysaudir.
Jezus Saudiya Arabistoni chempionati bilan allaqachon tanish: 2023 yilning yozidan joriy yilning mayiga qadar u “Al-Hilol”ni boshqargan.
Konseysau 2024/25 yilgi mavsum yakunlanganidan so‘ng "Milan"ni tark etdi. Murabbiy "rossonerilar" boshqaruvida bor-yo‘g‘i olti oy ishladi.
“An-Nasr” o‘tgan yilning sentyabr oyida tayinlangan Stefano Pioli qo‘l ostida Saudiya Arabistonining so‘nggi chempionatida uchinchi o‘rinni egalladi.













